轉 載 新 聞 ( 2016年10月05日 )

【on.cc東網專訊】 今年67歲嘅世界摔角傳奇域費利亞，不嬲都係情聖，身邊女人多到暈，近期佢上到電台大爆，話曾經同奧斯卡最佳女主角、被封全球「最完美胸脯」嘅荷爾芭莉上過床。

[您必需注冊并登錄才能查看本圖。]

域費利亞喺世界摔角壇響負盛名，曾16次奪得世界冠軍，簡直地位超然，而佢生性風流不羈、到處留情，所以大家都好關心佢嘅「性史」。上到電台節目，主持人問佢有冇帶過女人坐「Space Mountain」(迪士尼樂園著名過山車遊戲)，域費利亞即刻答：「我諗有幾打。不如我由荷爾芭利講起好嗎？喺90年代，我哋喺亞特蘭大發生關係，嗰陣佢剛同第一任老公離婚。喂，我冇必要講大話吖，啱唔啱先！」荷爾芭莉方面，就話不作回應。

荷爾芭莉係史上首位，亦係至今唯一一位奧斯卡黑人女影后，而佢因為身材超正，曾被封擁有世界「最完美胸脯」。佢情路勁曲折，正辦緊第3次離婚。域費利亞就仲犀利，依家搞緊第5次結婚，佢同過澳洲女歌手Kylie Minogue，以及發哥主演西片《血仍未冷》女主角美娜蘇雲露拍過拖。


[東網]